Language: 
LA EN



                                                                       
   HomeProjectsContact USAbout LaoForum
 





 </&  

ໂຄງການຝຶກອົບຮົມຄູໃນລະດັບປະລິນຍາໂທ (TTM)


ໂຄງການຝຶກອົບຮົມຄູໃນລະດັບຊັ້ນປະລິນຍາໂທມີ 2 ເປົ້າໝາຍ. ສິ່ງທຳອິດຄືການ ໃຫ້ທຶນການສຶກສາແກ່ຄູຊັ້ນອຸດົມທີ່ສອນ ວິຊາຄະນິດສາດ, ຟີຊິກສາດ, ເຄມີສາດ ແລະ ຊີວະສາດ ເພື່ອໃຫ້ພວກເຂົາເຂົ້າຮຽນໃນລະດັບປະລິນຍາໂທຢູ່ທີ່ມະຫາວິທະ ຍາໄລຂອນແກ່ນ, ປະເທດໄທ. ເປົ້າໝາຍທີສອງເພື່ອສົ່ງເສີມການສ້າງສື່ການ ສອນສຳລັບລະດັບມັດຖະຍົມຕອນປາຍ ໂດຍສົ່ງເສີມ ໃຫ້ຮຽນຕໍ່ເພື່ອພັດທະນາ ຄູ່ມືຄູສຳລັບວິຊາຄະນິດສາດ, ຟີຊິກຊາດ, ເຄມີສາດ ແລະ ຊີວະສາດ.

ໂຄງການນີ້ມີຫຼາຍພາກສ່ວນເຮັດວຽກຮ່ວມກັນຄື: ຄະນະສຶກສາສາດ ແລະ ວິທະຍາສາດທຳມະຊາດຂອງມະຫາວິທະຍາ ໄລຂອນແກ່ນ; ກະຊວງສຶກສາທິການ, ຂອງ ສປປ ລາວ; ມະຫາວິທະຍາໄລແຫ່ງຊາດລາວ; EACAT (The East Asian Circle of Applied Technology) ຂອງປະເທດຍີ່ປຸ່ນ; EDF-Thai ແລະ EDF-Japan.

ການມອບທຶນການສຶກສາ:

ທຶນການສຶກສາໄດ້ຄວບຄຸມຄ່າໃຊ້ຈ່າຍທີ່ຈຳເປັນເຊັ່ນ: ຄ່າຮຽນ, ຄ່າສອນພິເສດ, ຄ່າປຶ້ມ ແລະ ເອກະສານອື່ນໆ, ຄ່າອາ ຫານ, ຄ່າທີ່ພັກອາໃສ, ຄ່າປະກັນໄພສຸຂະພາບ ແລະ ຄ່າໃຊ້ຈ່າຍໃນການດຳເນີນງານອື່ນໆ. ເພື່ອໃຫ້ທຶນຊ່ວຍເຫຼືອ.

ຂັ້ນຕອນການສະໝັກ ແລະ ການຄັດເລືອກ:

ສຳລັບທຶນການສຶກສາໄດ້ມີການໂຄສະນາທາງໜັງສືພິມ ຕະຫຼອດເຖິງການບໍລິການລະບົບການສຶກສາ, ຈາກກະຊວງສຶກສາ ເຖິງພະແນກສຶກສາປະຈຳແຂວງ ຈົນເຖິງໂຮງຮຽນອຸດົມທົ່ວປະເທດ. ແບບຟອມສະໝັກມີຢູ່ທົວທຸກພະແນກສຶກສາປະຈຳແຂວງ ແລະ ຫ້ອງການຂອງ EDF-Lao. ຂັ້ນຕອນການສະໝັກເປັນໄປຕາມຫຼັກຂອງຄວາມໂປ່ງໃສ, ຄຸນງາມຄວາມດີ ແລະ ຄວາມປາດຖະໜາອັນແຮງກ້າຕໍ່ການສຶກສາ ເພື່ອໃຫ້ບັນລຸຕາມຈຸດປະສົງຂອງການສຶກສາ. ຫຼັງຈາກທີ່ໄດ້ຮັບແບບຟອມຈະມີ ຂະບວນການປະຕິບັດດັ່ງນີ້:

1. ຄະນະກຳມະການພິເສດປະກອບດ້ວຍ ຕົວແທນຈາກກະຊວງສຶກສາທິການ, ຈາກມະຫາວິທະຍາ ໄລແຫ່ງຊາດ ແລະ EDF-Lao ຈະເປັນຜູ້ສ້າງລາຍຊື່ຂອງຜູ້ສະໝັກທັງໝົດ.

2. ຜູ້ສະໝັກຈະຕ້ອງໄດ້ຜ່ານການເສັງ TOEFL/IELTS ໂດຍ EDF-Lao.

3. ຄະນະກຳມະການພິເສດຈະເປັນຜູ້ສຳພາດໃນຮອບທຳອິດ.

4. ຄະນະກຳມະການຈາກມະຫາວິທະຍາໄລຂອນແກ່ນຈະເປັນຜູ້ສຳພາດໃນຮອບທີສອງ.

5. EDF-Japan ແລະ EDF-Thai ຈະເປັນຜູ້ກວດສອບ.

6. ຂັ້ນຕອນສຸດທ້າຍຄືການຕັດສິນ ແລະ ປະກາດຜົນໃຫ້ກັບຜູ້ສະໝັກທີ່ໄດ້ຮັບທຶນ.




Copyright© EDF-Lao                                                                                                                                                 
335/25 Sibounheuang 26 road, Sibounheuang Village, Chanthabouly District, Vientiane Capital, Lao PDR,               
P.O.Box 7337, Tel/Fax: +856 21 222720, Tel: +856 21 240300, E-mail: info@edflao.org