ເນື່ອງຈາກບັນຫາຄວາມທຸກຍາກເປັນບັນຫາດົນທານທີ່ສົ່ງຜົນກະທົບຕໍ່ການພັດທະນາການສຶກສາ ແລະ ການຫຼຸດຜ່ອນບັນຫາ ຄວາມທຸກຍາກຈະຕ້ອງໄດ້ມີການສຶກສາຄົນຍຸກໃໝ່ຢູ່ໃນລາວ, ສະນັ້ນການສຶກສາ ໃນຊັ້ນປະຖົມຈຶ່ງກາຍເປັນຈຸດມຸ່ງໝາຍຂອງ ການເຮັດວຽກຂອງພວດເຮົາ ແລະ ຈະຕ້ອງໄດ້ມີການເນັ້ນ ໜັກບັນຫາດັ່ງກ່າວອີກດ້ວຍ. ອັດຕາການອອກໂຮງຮຽນ ແລະ ການບໍ່ຮູ້ໜັງສືໄດ້ສະແດງໃຫ້ພວກ ເຮົາຮູ້ເຖິງຄວາມຕ້ອງການໃຫ້ມີການພັດທະນາການສຶກສາ. ເດັກນ້ອຍຫຼາຍພັນຄົນທີ່ອາໃສຢູ່ເຂດຊົນ ນະບົດບໍ່ມີໂອກາດໄດ້ເຂົ້າໂຮງຮຽນ, ຂາດແຄນອຸປະ ກອນໃນການຮຽນ ແລະ ຂາດສະພາບແວດລ້ອມ ທີ່ສະໜັບສະໜູນການສຶກສາຂອງພວກເຂົາ. ເດັກນ້ອຍຫຼາຍຄົນຈຳເປັນຕ້ອງໄດ້ຊ່ວຍວຽກພໍ່ແມ່ຂອງເຮົາ ເຈົ້າຢູ່ໄຮ່ນາ ຫຼື ຢູ່ທີ່ບ້ານ ຫຼື ເປັນແຮງງານ.

EDF-Lao ໄດ້ກໍ່ຕັ້ງຂຶ້ນເພື່ອຫຼຸດຜ່ອນຄວາມທຸກຍາກ ແລະ ສົ່ງເສີມການສຶກສາລະດັບຊັ້ນປະ ຖົມ ໃນເຂດຊົນນະບົດ ທີ່ຕ້ອງການຄວາມຊ່ວຍເຫຼືອມີທຶນການສຶກສາທີ່ມອບໃຫ້ແກ່ເດັກທີ່ຂາດ ໂອ ກາດໃນການສຶກສາເພື່ອສະໜັບສະໜູນໃຫ້ພວກເຂົາໄດ້ເຂົ້າຮຽນຕໍ່ໃນລະດັບຫ້ອງ ປໍ3 ຈົນສຳເລັດການສຶກສາໃນຂັ້ນປະຖົມ. ສຳລັບຄອບຄົວຂອງເດັກທີ່ບໍ່ສາມາດສະໜັບສະໜູນອຸປະ ກອນການຮຽນໃຫ້ແກ່ລູກຂອງພວກເຂົາສ່ວນຫຼາຍແມ່ນອາໃສຢູ່ເຂດພື້ນທີ່ທຸກຍາກລຳບາກ ແລະ ດຳລົງຊີວິດດ້ວຍການເຮັດໄຮ່ນາແບບເຄື່ອນທີ່ ແລະ ຖາງປ່າງເຮັດໄຮ່ເພື່ອການປູກຝັງ ຫຼື ມີການເຮັດວຽກໜັກທຸກໆມື້ເພື່ອຫາອາຫານຈາກປ່າ.

ໂຄງການ​ຢ້ຽມຢາມ​ເຂອງ​ຜູ້​ໃຫ້​ທຶນ​ການ​ສຶກສເປັນກິດຈະກຳໜຶ່ງ​ທີ່​ຂາດບໍ່​ໄດ້ໃນການແລກປ່ຽນວັດທະ ນະທຳລະຫວ່າງໝູ່​ ບ້ານ ໃນ​ທ້ອງຖິ່ນ ແລະ ຜູ້​ໃຫ້ທຶນ​ຊາວ​ຍີ່ປຸ່ນ. ມັນ​ເປັນ​ໂອກາດ​ສຳລັບ​ຜູ້ໃຫ້ທຶນ​ໂດຍ​ກົງ​ສຳລັບ​ເດັກ​ທີ່​ຂາດ​ໂອກາດ ແລະ ເພື່ອເຂົ້າຢ້ຽມຢາມ​ພືນ​ທີ່​ໂຄງການ​ທີ່​ນັກວິຊາ ການ​ ແລະ ຄອບຄົວ​ຂອງ​ພວກ​ເຂົາ​ອາ​ໃສ​ຢູ່.

ການ​ເດີນທາງ​ສ່ວນ​ໃຫຍ່​ຈະ​ຖືກ​ຈັດ​ເປັນ​ກຸ່​ມຕາມ​ຄຳ​ຂໍ​ຂອງ​ຜູ້​ໃຫ້​ທຶນ. ເຖິງ​ຢ່າງ​ໃດ​ກໍ່ຕາມຍັງມີ​ ການເດີນທາງຂອງຜູ້​ໃຫ້ທຶນທຸກໆປີເຊິ່ງມັກ​ຈະ​ຈັດ​ຂຶ້ນ​ໃນ​ເດືອນ​ຕຸລາ​ຂອງ​ທຸກໆ​ປີ ພາຍ​ໃຕ້​ໂຄງ ການ​ໃຫ້​ທຶນ​ການ​ຊ່ວຍ​ເຫຼືອ​ຂອງ EDF-Lao. ການ​ເດີນທາງເປັນ ການໄປຢ້ຽມຢາມ​ເພື່ອ​ສຶກສາ. ຜູ້​ໃຫ້​ທຶນ​ສາມາດເຂົ້າຮ່ວມທຸກໆ​ກິດຈະກຳ​ຂອງ​ທ້ອງ​ຖິ່ນ ​ແລະ ຍັງ​ໄດ້​ພັກ​ຄ້າງ​ຄືນ​ຢູ່​ໃນ​ໝູ່​ບ້ານ​ ດັ່ງກ່າວ ​ເພື່ອ​ຮຽນ​ຮູ້ ​ແລະ ​ເຂົ້າ​ໃຈ​ວັດທະນະທຳ ​ແລະ ວິຖີ​ການ​ດຳລົງ​ຊີວິດ​ຂອງ​ຊຸມ​ຊົນ​ດັ່ງກ່າວ. ການ​ເດີນທາງ​ຄັ້ງ​ນີ້ ແມ່ນຈັດ​ຂຶ້ນ​ໂດຍ EDF-Japan ​ແລະ ດ້ວຍ​ການ​ຮ່ວມ​ມື​ຂອງ EDF-Lao ​ແລະ ພະ​ແນ​ກສຶກສາປະຈຳ​ແຂວງ, ຫ້ອງການ​ສຶກສາ​ປະຈຳເມືອງ, ​ໂຮງຮຽນ ​ແລະ ໝູ່​ບ້ານ​ ທີ່​ກ່ຽວຂ້ອງ.

ເປັນໂຄງການສ້າງອາຄານຮຽນທີ່ອອກແບບ  ແລະ  ກວດກາໂດຍ ທ່ານ ທາກາຮິສະ ກາໂຕະ, ນັກສະຖາປານິກຊາວຍີ່ປຸ່ນທີ່ຮູ້ຈັກກັນດີ ແລະ ຍັງເປັນອາສາສະໝັກຂອງໂຄງ ການ, ໂຄງການໄດ້ເນັ້ນໜັກການກໍ່ສ້າງໂຮງຮຽນປະຖົມໃຫ້ກັບໝູ່ບ້ານ ແລະ ຊຸມຊົນໃນ ຂົງເຂດຊົນນະບົດທີ່ຕ້ອງການຄວາມຊ່ວຍເຫຼືອ. ແບບຢ່າງໂຄງສ້າງຂອງໂຮງຮຽນທີ່ຖືກຕົບ ແຕ່ງຢ່າງສົມບູນແລ້ວ , ປະກອບດ້ວຍຫ້ອງຮຽນ 6 ຫ້ອງ ພ້ອມກັບຫ້ອງນ້ຳ 4 ຫ້ອງທີ່ແຍກ ອອກຫ່າງຈາກ ອາຄານຮຽນ.

ໂຄງການຝຶກອົບຮົມຄູຄັ້ງທຳອິດທີ່ກໍ່ຕັ້ງໂດຍ ໂຄງການໂຮຊິໂນະ ໄລຍະທີ I, ໂຄງການໄດ້ ໃຫ້ການສຶກສາ ແລະ ຝຶກອົບຮົມຄູຄົນລາວ, ຄັ້ງທຳອິດກໍ່ຕັ້ງຂຶ້ນໃນປີ 2003 ເພື່ອປັບປຸງ ຄຸນນະພາບຂອງການສຶກສາຊັ້ນອຸດົມໃນປະເທດລາວ. ໃນປີ 2004, ໂຄງການໂຮຊິໂນະ
ໄລຍະທີ II ໄດ້ຖືກຈັດຕັ້ງຂຶ້ນແຕ່ວັນທີ 28 ເດືອນເມສາ ເຖິງ ວັນທີ 4 ເດືອນພຶດສະພາ
ປີ 2004 ໂດຍຄະນະສຶກສາສາດຂອງມະຫາວິທະຍາໄລຂອນແກ່ນ. ຈຸດປະສົງຫຼັກຂອງໂຄງ ການໃນໄລຍະທີ II ມີຂຶ້ນເພື່ອປັບປຸງທັກສະຂອງອາຈານສອນວິຊາຄະນິດສາດ ແລະ ວິທະ ຍາສາດທຳມະຊາດຄົນລາວ ແລະ ເພື່ອພັດທະນາວິທີການໃນການສິດສອນ.

ຈຸດປະສົງຂອງໂຄງການເຝຶກອົບຮົມຄູໃນລະດັບຊັ້ນປະລິນຍາໂທ ສຳລັບຄູຄົນລາວທີ່ສອນຢູ່ຊັ້ນ ອຸດົມຈະສືບຕໍ່ດຳເນີນໄປກັບ ໂຄງການໂຮຊິໂນະດ້ວຍການໃຫ້ໂອກາດໃນການສຶກສາຕໍ່ໃນລະ ດັບປະລິນຍາໂທໃຫ້ກັບຄູຄົນລາວທີ່ສອນຢູ່ຊັ້ນອຸດົມສຶກສາ.

ຂັ້ນຕອນທຳອິດຂອງໂຄງການຝຶກອົບຮົມຄູໃນລະດັບປະລິນຍາໂທ ຄືການຝຶກຝົນຄວາມຮູ້ ຄວາມສາມາດຂອງບັນດາຄູຜູ້ທີ່ສ້າງ ຄູ່ມືຄູສຳລັບປຶ້ມແບບຮຽນວິຊາຄະນິດສາດ.

ຂັ້ນຕອນທີສອງ ຄືການຝຶກຝົນຄວາມຮູ້ ຄວາມສາມາດຂອງບັນດາຄູຜູ້ທີ່ສ້າງຄູ່ມືຄູສຳລັບປຶ້ມ ແບບຮຽນວິຊາຄະນິດສາດ, ຟີຊິກສາດ, ເຄມີສາດ ແລະ ຊີວະສາດ.

ຈຸດປະສົງ​ຂອງ​ການ​ໃຫ້​ທຶນ​ການ​ສຶກສາສຳລັບ​ຄູ​ຊົນ​ເຜົ່າ​ທີ່​ອາ​ໃສ​ຢູ່​ເຂດ​ຊົນນະບົດເພື່ອ​ສົ່ງ​ເສີມ​ການ​ສຶກ ສາ​ຂອງ​ນັກຮຽນ​ທີ່​ກຳລັງ​ສຶກສາ​ຢູ່​ໂຮງຮຽນ​ວິຊາ​ຊີບ​ຄູ. ຫຼັງ​ຈາກ​ທີ່​ສຳ​ເລັດ​ການ​ສຶກສາ, ພວກ​ເຂົາ​ຈະ​ ກັບ​ໄປ​ຊ່ວຍ​ເຫຼືອ​ຊຸມ​ຊົນ​ຂອງ​ພວກ​ເຂົາ​ທີ່ຢູ່​ເຂດພື້ນ​ທີ່​ຫ່າງ​ໄກ​ຊອກ​ຫຼີກ. ບັນຫາ​ທີ່​ມີ​ຢູ່​​ໃນ​ຊາດ​ຄື​ການ​ຂາດ​ແຄນ​ຄູ​ສອນ​ໃນ​ລະດັບ​ຂັ້ນ​ປະຖົມ​ສຶກສາ​ທີ່​ມີ​ຄຸນ​ນະພາ​ບ ​ແລະ ມາດຕະຖານເຊິ່ງມັນ​ເປັນ​ອຸປະ ສັກ​ຫຼັກ​ຂອງ​ການ​ກະກຽມ​ລະບົບ​ການ​ສຶກສາ​ທີ່​ດີ​ໃຫ້​ກັບ​ເດັກ​ທຸກ​ຄົນ​ຢ່າງ​ເທົ່າ​ທຽມ​ກັນ.

ໃນ​ໂຄງການ​ຝຶກ​ອົບຮົມ​ຄູ​ໄດ້​ຈັດ​ໃຫ້​ມີ​ການ​ຝຶກ​ອົບຮົມ​ວິຊາ​ ຄະນິດສາດ, ຟີ​ຊິກ​ສາດ, ເຄມີ​ສາດ ​ແລະ ຊີວະ​ສາດ.​ ໂຄງ ການ​ໄດ້​ເລີ່​ມມາ​ຕັ້ງ​ແຕ່​ປີ 2002 ​ໂດຍ​ການ​ຊ່ວຍ​ເຫຼືອ​ຂອງ EACAT
(The East Asian Circle of Applied Technology). ຈຸດປະສົງ​ຫຼັກ​ຂອງ​ໂຄງການ​ເພື່ອ​ຝຶກ​ຝົນ​ຜູ້​ເຂົ້າ​ອົບຮົມ​ໃນ​ຂັ້ນ​ທ້ອງ​ຖິ່ນ​ ໂດຍ​ປະຕິບັດ​ການ​ຝຶກ​ອົບຮົມ​ໃນ​ແຂວງທີ່​ເປັນເປົ້າໝາຍ. ການຝຶກອົບຮົມເປັນການ​ເສີມ​ສ້າງ​ທັກ​ສະ​ທາງ​ດ້ານ​ວິຊາ​ການ, ຄວາມ​ຮູ້ ​ແລະ ຄວາມ​ສາມາດ​ໃນ​ການ​ສອນ​ຂອງ​ຄູ.

ມີ 2–3 ​ໂຄງການ​ທີ່​ກຳລັງ​ເນັ້ນ​ໜັກ​​ໃສ່​ການ​ປັບປຸງ​ວິທີ​ການ​ຮຽນ​-ການ​ສອນ​ທີ່​ໃຊ້​ຢູ່​ໃນ​ປະ​ເທດ​ ລາວ, ໂດຍ​ສະ​ເພາະ​ແມ່ນ​ໂຄງການ​ພັດທະນາ​ການ​ສຶກສາ​ຂັ້ນ​ພື້ນຖານ​ໃນ​ຊັ້ນ​ປະຖົມ​ສຶກສາ. ເພື່ອ​ ປັບປຸງ​ຄວາມ​ສາມາດ​ຂອງ​ເດັກ​ທີ່​ກຳລັງ​ຮຽນ​ຮູ້, ມັນ​ເປັນ​ສິ່ງ​ສຳຄັນ​ໃນ​ການ​ເນັ້ນໜັກແນວ​ຄວາມ​ຄິດ​ຂອງ​ການ​ສິດສອນ​ໃຫ້​ມີ​ປະສິດ​ຕິ​ພາບ​ໃນ​ບາງ​ສາຂາ​ວິ​ຊາ​ຮຽນໂດ​ຍສະ​ເພາະ​ແມ່ນ​ວິຊາ​ຄະນິດສາດ. 
ການ​ປັບປຸງ​ທັກ​ສະ​ທາງ​ຄະນິດສາດ​ຍັງ​ຊ່ວຍ​ເສີມ​ສ້າງ​ໃຫ້​ນັກຮຽນຮຽນ​ຮູ້ຈັກ​ຄິດ​ຢ່າງ​ເປັນ​ລະບົບ​ອີກ​ ດ້ວຍ.

ການ​ສຶກສາ​ໂດຍ​ນຳ​ໃຊ້​ລູກຄິດ​ສຳລັບ​ເດັກນ້ອຍ​ລາວ​ ທີ່​ຮຽນ​ຢູ່​ໂຮງຮຽນ​ຊັ້ນ​ປະຖົມ​ຖື​ວ່າ​ເປັນ​ໜຶ່ງ​ໃນ​ວິ ທີທາງ ​ແລະ ຄວາມ​ຈຳ​ ເປັນ​ຕໍ່​ການ​ພັດທະນາ​ຂີດ​ຄວາມ​ສາມາດ​ຂອງ​ເດັກ​ໃນ​ການ​ຄົ້ນ​ຄິດ​ຢູ່​ໃນ​ ວິຊາ​ຄະນິດສາດ. ລູກຄິດ​ຍັງ​ສາມາດ​ໃຊ້​ເປັນ​ເຄື່ອງມື​ໃນ​ ການຮຽນ-ການ​ສອນ​ທີ່​ມີ​ປະສິດ​ຕິ​ພາບ ບໍ່​ພຽງ​ແຕ່​ເພື່ອ​ເສີມ​ສ້າງ​ລະບົບ​ແນວ​ຄວາມ​ຄິດ ​ແລະ ທັກ​ສະ​ໃນ​ການ​ນຳ​ໃຊ້​ຄອມ​ພີ​ວ​ເຕີ້​ ເທົ່າ​ນັ້ນ ​ແຕ່​ຍັງ​ສ້າງ​ໃຫ້​ພວ​ກ​ເຂົາ​ມີ​ສະມາທິ​ອີກ​ດ້ວຍ. ນອກຈາກ​ນີ້​ຍັງ​ສາມາດ​ປ່ຽນ​ແປງ​ທັດສະນະ​ຄະຕິ​ໃນ​ ແງ່​ລົບ​ຕໍ່​ການ​ຮຽນ​ວິຊາ​ຄະນິດສາດ​ອີກ​ດ້ວຍ. ການ​ສຶກສາ​​ໂດຍ​ນຳ​ໃຊ້​ລູກຄິດ​ຍັງ​ສາມາດ​ກະ​ຕຸ້ນ ​ແລະ ສ້າງ​ຄວາມ​ສົນ​ໃຈ​ລະຫວ່າງ​ຄູ ​ແລະ ນັກ ຮຽນ​ໃນ​ການຮຽນ-ການ​ສອນ​ວິຊາ​ຄະນິດສາດ ​ແລະ ຍັງ​ລວມທັງ​ການ​ກະ​ຕຸ້ນ​ການ​ພັດທະນາ​ທາງ​ມັນສະໝອງ​ຂອງ​ເດັກ​ເຊັ່ນ​ດຽວ​ກັນ. ​ໂຄງການ​ ສອນ​ການ​ນຳ​ໃຊ້​ລູກຄິດ​ຢູ່​ໃນ ສ ປ ປ ລາວ ​ໄດ້​ສົ່ງ​ເສີມ​ໃຫ້​ທຸກ​ພາກສ່ວນ​ທົ່ວ​ໄປ​ໃຫ້​ເພີ່ມ​ລະດັບ​ ຄວາມ​ຮັບຜິດຊອບ ​ແລະ ສົ່ງ​ເສີມ​ການ​ພັດທະນາ​ມັນສະໝອງ​ຂອງ​ເດັກ​ຜ່ານ​ການ​ຮຽນ​ນຳ​ໃຊ້​ລູກ ຄິດ.

ປະມານ 50% ຂອງ​ໂຮງຮຽນຊັ້ນ​ປະຖົມ​ໃນ 4​ ແຂວງ (​ ແຂວງ​ຄຳ​ມ່ວນ, ແຂວງ​ສະຫວັນ​ນະ​ ເຂດ,  ແຂວງ​ສາລະ​ວັນ ແລະ ແຂວງ​ເຊ​ກອງ ) ມີ​ປຶ້ມ​ຄູ່​ມື​ຄູ ​ແລະ ປຶ້ມ​ອ່ານ​ບໍ່​ພຽງພໍ​ສຳ​ລັດ​ ເດັກ. ໂຄງການ​ກໍ່ສ້າງ​ຫໍ​ສະໝຸດໂດຍ​ຈັດ​ໃຫ້​ມີ​ຫໍສະໝຸດ, ຕູ້​ສະໝຸດ​ ແລະ ກະ​ເປົ໋າສະໝຸດໃຫ້​ ກັບ​ໂຮງຮຽນ​ຊັ້ນ​ປະຖົມ​ຕ່າງໆ​ໃນ​ຂົງ​ເຂດ​ຊົນນະບົດ​ທີ່​ຕ້ອງການ​ຄວາມ​ຊ່ວຍ​ເຫຼືອ, ເຊິ່ງມີບົດບາດ​ສຳຄັນ​ໃນ​ການ​ສົ່ງ​ເສີມ​ການ​ສຶກສາ​ຂັ້ນ​ພື້ນຖານ​ໃນຂັ້ນ​ພື້ນຖານ​ໃນ​ເຂດ​ພື້ນ​ທີ່​ຫ່າງ​ໄກຊອກ​ຫຼີກ​ໃນຊົນນະບົດ.

ໂຄງການ​ໜຶ່ງ​ໂຮງຮຽນ​ໜຶ່ງ​ໂຄງການ​ໄດ້​ສົ່ງ​ເສີມ​ໃຫ້​ລາຍ​ຮັບ​ທີ່​ໄດ້​ຈາກ​ການ​ຜະ​ລິດ​ເພີ່ມ​ຂຶ້ນ ແລະ ເປັນກິດຈະກຳການສ້າງອາຫານໃຫ້ກັບນັກຮຽນ. ໂຄງການ​ໄດ້​ເປີດ​ໂອກາດ​ໃຫ້​ກັບ​ ນັກຮຽນ ເພື່ອ​ຮຽນ​ຮູ້​ການ​ນຳ​ໃຊ້​ເວລາ​ຫວ່າງ​ໃຫ້​ເປັນ​ປະ​ໂຫຍ​ດ ເຂົ້າ​ໃນ ວຽກງານການປູກຝັງ ແລະ ລ້ຽງສັ​ດ ​ເຊິ່ງສາ​ມາດ​ຊ່ວຍຈັດ​ຫາ​ອາຫານ​ສຳລັບ​ເດັກ ແລະ ຄູ​ອາຈານ​ຕາມ​ໂຮງຮຽນ ແລະ ໝູ່​ບ້ານ​ທີ່​ທຸກ​ ຍາກ​ລຳບາກອີກ​ດ້ວຍ.